Zaidi ya watu 330 wamefariki kutokana na mafuriko na maporomoko ya udongo nchini Sri Lanka, huku zaidi ya 200 wakiripotiwa kutoweka na zaidi ya nyumba 20,000 zikiharibiwa. Takribani watu 108,000 wamehamia kwenye makazi ya muda, kwa mujibu wa Kituo cha Kudhibiti Maafa.
Kimbunga Ditwah ndicho kimesababisha mafuriko makubwa, na serikali imetangaza hali ya hatari baada ya karibu theluthi moja ya nchi kukosa umeme na maji safi. Maeneo yaliyoathirika zaidi ni Kandy na Badulla, ambako baadhi ya vijiji havifikiki.
Rais Anura Kumara Dissanayake amesema uharibifu ni mkubwa sana na ametaja tukio hili kuwa moja ya majanga makubwa zaidi kuwahi kuikumba Sri Lanka. Serikali imeomba msaada wa kimataifa na kuchochea raia walio nje wachangie.
Mafuriko haya yanaibuka wakati Asia Kusini Mashariki pia ikipambana na mafuriko makubwa katika Indonesia, Malaysia na Thailand.
Chanzo; Global Publishers
